ممبئی:30 نومبر۔(ورق تازہ نیوز)ریاستی حکومت نے یکم دسمبر سے 7 دسمبر تک اسکول شروع کرنے کا فیصلہ کیا تھا۔ لیکن وزیر اعلیٰ ادھو ٹھاکرے نے اومکرون وائرس کے خلاف چوکسی کی اپیل کی ہے۔ لیکن محکمہ تعلیم اور راجیش ٹوپے نے واضح کیا کہ اسکول شروع کرنے کے فیصلے میں کوئی تبدیلی نہیں کی جائے گی۔

اس لیے کئی اضلاع میں سکول شروع کرنے کی تیاریاں شروع کر دی گئیں۔ تاہم ممبئی میونسپل کارپوریشن نے اس وائرس کے خطرے کو دیکھتے ہوئے اعلان کیا کہ اسکول یکم ڈسمبر سے شروع نہیں ہوں گے۔ پونے شہر میں بھی میئر مرلیدھر موہول نے پونے میونسپل کارپوریشن میں پہلی سے چوتھی کے اسکولوں کو 15 دسمبر تک بند رکھنے کا فیصلہ کیا ہے۔ یہ بات انہوں نے ٹوئٹر کے ذریعے کہی۔

 

ناسک شہر میں بھی پہلی تا ساتویں جماعت تک اسکولوں کو فی الحال یکم ڈسمبر سے شروع نہ کرنے کافیصلہ کیاگیا ہے ۔اس ضمن میں میونسپل کارپوریشن  نے یہ فیصلہ کیا ہے اور کہا کہ 10 ڈسمبر کے بعدا س پر فیصلہ کیاجائے گا۔

اورنگ آباد سے ملی اطلاع کے مطابق اورنگ آبادشہر میونسپل کارپوریشن حدود میں بھی فی ا لحا ل پہلی جماعت تا ساتویں جماعت تک کل سے اسکول شروع نہ کرنے کافیصلہ کیا ہے۔جبکہ دیہی علاقوں میں کل سے اسکول شروع ہوجائیں گے۔ 10ڈسمبر تک اورنگ آباد اسکول بند ہی رہیںگے ۔ اس کے بعد حالات کو مدنظررکھتے ہوئے کوئی فیصلہ کیاجائے گا۔

ناگپور میونسپل کارپوریشن کے کمشنر نے آج اخباری نمائندوں سے بات چیت کرتے ہوئے کہاکہ ناگپور شہری حدودمیں بھی ابھی اسکول شروع کرنے پرکوئی فیصلہ نہیں کیاگیاہے ۔انھوں نے بتایاکہ یہاں پربھی 10 ڈسمبر کے بعدشہری حدودمیںاسکول کھولنے کے بارے میں فیصلہ کیاجائے گا۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔