اہم خبر: کملیش تیواری قتل کا معمہ ہوا حل، حراست میں لیے گئے 3 افراد کا اعتراف جرم!

کملیش تیواری قتل معاملہ: حراست میں لیے گئے تینوں افراد نے جرم کا کیا اعتراف

ایسا لگ رہا ہے جیسے پولس نے کملیش تیواری قتل کا معمہ حل کر لیا ہے۔ جمعہ کے روز ہوئے اس قتل معاملہ میں تیزی دکھاتے ہوئے جانچ کی ذمہ داری ایس آئی ٹی کے سپرد کر دی گئی تھی اور پھر جائے وقوع پر موجود کچھ چیزوں سے پتہ چلا تھا کہ قتل کا تار گجرات سے جڑا ہوا ہے۔ بعد ازاں تفتیش کے بعد گجرات سے تعلق رکھنے والے تین افراد کو حراست میں لیا گیا تھا۔ اب گجرات انٹی ٹیررزم اسکواڈ یعنی گجرات اے ٹی ایس کے ڈی آئی جی نے ایک بڑا بیان دیا ہے۔ انھوں نے کہا ہے کہ جن تین افراد کو حراست میں لیا گیا تھا اور پوچھ تاچھ کی جا رہی تھی، انھوں نے اپنے جرم کا اعتراف کر لیا ہے۔ بتایا جاتا ہے کہ ان تینوں کے نام مولانا محسن شیخ، فیضان اور خورشید احمد پٹھان ہیں۔


ممبئی: پی ایم سی بینک اکاؤنٹ ہولڈرس کا آر بی آئی دفتر کے سامنے مظاہرہ

پی ایم سی کو آپریٹو بینک اکاؤنٹ ہولڈرس کی ناراضگی دن بہ دن بڑھتی جا رہی ہے اور ان کے ذریعہ بینک انتظامیہ کے خلاف مظاہرہ بھی تیز ہوتا ہوا نظر آ رہا ہے۔ آج بڑی تعداد میں اکاؤنٹ ہولڈرس نے ممبئی واقع آر بی آئی (ریزرو بینک آف انڈیا) دفتر پر پوسٹر و بینر کے ساتھ احتجاجی مظاہرہ کیا۔ ان بینرس پر ان کے ذریعہ جمع پیسے انھیں دینے کا مطالبہ کیا گیا ہے۔


کملیش تیواری کی ماں نے بی جے پی لیڈر پر لگایا قتل کا الزام

ہندو سماج پارٹی کے لیڈر کملیش تیواری قتل معاملے میں ایک نیا موڑ سامنے آ گیا ہے۔ اس قتل میں اب متاثرہ فیملی نے بی جے پی لیڈر پر سازش کا الزام عائد کیا ہے۔ کملیش تیواری کی ماں نے محمود آباد واقع رام جانکی مندر کی مقدمے بازی کو بھی اس واقعہ کی وجہ بتایا ہے۔ کملیش تیواری کی ماں کا کہنا ہے کہ شیو کمار گپتا نام کے ایک مقامی بی جے پی لیڈر نے اس قتل کی سازش رچی ہے۔

جنوبی افریقہ کے خلاف ٹسٹ میں محض 16 رن پر گرے ہندوستان کے 2 وکٹ

رانچی ٹسٹ کے پہلے دن جنوبی افریقہ کے خلاف ہندوستان کے 2 بلے بازی محض 16 رن پر آؤٹ ہو گئے۔ رباڈا نے پہلے تو سلامی بلے مینک اگروال کو آؤٹ کیا اور پھر رباڈا نے ہی چیتیشور پجارا کو صفر پر آؤٹ کر کے پویلین بھیج دیا۔


ہندوستان-جنوبی افریقہ ٹسٹ: ہندوستان نے ٹاس جیت کر بلے بازی کا کیا فیصلہ

جنوبی افریقہ کے خلاف سیریز کے تیسرے اور آخری ٹسٹ میچ میں ہندوستانی کپتان وراٹ کوہلی نے ٹاس جیت کر بلے بازی کا فیصلہ کیا ہے۔ ہندوستان کی جانب سے کھیلنے والے 11 کھلاڑیوں میں اسپنر شہباز ندیم کو بھی شامل کیا گیا ہے۔ شہباز ندیم کے لیے یہ ایک بہترین موقع ہے جب وہ خود کو ثابت کر سکتے ہیں۔ قابل ذکر ہے کہ اس سیریز میں ہندوستان 0-2 کی ناقابل تسخیر سبقت حاصل کر چکا ہے اور اس کا ارادہ 0-3 سے کلین سویپ کرنا ہے۔


مہاراشٹر: سلمان خان کا باڈی گارڈ ’شیرا‘ شیوسینا میں شامل

مہاراشٹر میں اسمبلی انتخابات کے پیش نظر سرگرمیاں کافی تیز نظر آ رہی ہیں۔ حالانکہ دو دن بعد ہی ووٹنگ ہونے ہیں پھر بھی مختلف پارٹیوں سے لیڈروں کے نکلنے اور دوسری پارٹی میں شامل ہونے کا سلسلہ جاری ہے۔ اس درمیان مشہور و معروف اداکار سلمان خان کے باڈی گارڈ شیرا نے شیو سینا کی رکنیت اختیار کر لی ہے۔ انھوں نے پارٹی سربراہ ادھو ٹھاکرے اور یوا سینا صدر آدتیہ ٹھاکرے کی موجودگی میں شیو سینا میں شمولیت اختیار کی۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-


chrome_5UcEeDOjV2
آئی این ایکس میڈیا معاملہ: سی بی آئی کی چارج شیٹ میں دعویٰ، اندارنی مکھرجی نے چدمبرم کو دی 35.5 کروڑ کی رشوت
تیسرا ٹیسٹ: 3-0 کی کلین سویپ کے لئے اترے گی ٹیم انڈیا

WARAQU-E-TAZA ONLINE

I am Editor of Urdu Daily Waraqu-E-Taza Nanded Maharashtra Having Experience of more than 20 years in journalism and news reporting. You can contact me via e-mail waraquetazadaily@yahoo.co.in or use facebook button to follow me