مہاراشٹر میں حکومت تشکیل کو لے کر بات چیت کا دور شروع ہو گیا ہے، ممبئی میں این سی پی کی کور کمیٹی کی میٹنگ شروع ہو گئی ہے، ساتھ ہی شیوسینا ممبر اسمبلی بھی ملاقات کر رہے ہیں، دوسری طرف دہلی میں کانگریس ورکنگ کمیٹی کی میٹنگ ہو رہی ہے۔
ریاست میں صدر راج لگانے کی بی جے پی کی سازش ہے… سنجے راوت
سنجے راوت نے کہا کہ بی جے پی کو حکومت بنانے کا دعوی پیش کرنے کے لئے 72 گھنٹے کا وقت دیا گیا، ہمیں اتنا کم دیا گیا، یہ بی جے پی کی سازش ہے ریاست میں صدر راج لگانے کی۔
Sanjay Raut, Shiv Sena on Governor’s invite to Shiv Sena to ‘indicate willingness to form govt in Maharashtra’: It would have been easy if Governor had given us more time.BJP was given 72 hrs;we’ve been given lesser time. It’s a strategy of BJP to impose President’s rule in state https://t.co/Je9QGtaafX pic.twitter.com/I45sOCAw6n
— ANI (@ANI) November 11, 2019
الیکشن کمیشن نے شیشن کے انتقال پر دکھ کا اظہار کیا
نئی دہلی: الیکشن کمیشن نے سابق چیف الیکشن کمشنر ٹی این شیشن کے انتقال پر گہرے دکھ کا اظہار کیا ہے۔ چیف الیکشن کمشنر سنیل اروڑہ نے اپنے تعزیتی پیغام میں کہا ہے کہ ٹی این شیشن کے انتقال سے انہیں گہرا دکھ ہوا ہے اور وہ انہیں خراج عقیدت پیش کرتے ہیں۔ وہ سبھی چیف الیکشن کمشنروں اور الیکشن کمیشن کے ارکان کے لئے ہمیشہ باعث ترغیب رہے ہیں۔ انتخابی نظام کو بہتر بنانے اور جمہوریت کو مضبوط بنانے میں ان کی شراکت اور خدمات کو فراموش نہیں کیا جا سکتا۔
واضح رہے کہ ٹی این شیشن کا کل رات چنئی میں ان کی رہائش گاہ پر انتقال ہو گیا تھا۔ وہ 86 برس کے تھے اور 1990 سے 1996 تک ملک کے چیف الیکشن کمشنر کے عہدے پر فائز تھے۔ اپنے حوصلہ افزا فیصلوں سے انہوں نے انتخابی اصلاحات کرکے ایک نئی مثال قائم کی تھی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-