اہم خبر: شیئر بازار میں آج پھر مچی کھلبلی، سنسیکس 1900 اور نفٹی 500 پوائنٹ نیچے

شیئر بازار میں آج پھر گراوٹ، سنسیکس 1900 اور نفٹی 500 پوائنٹ نیچے

شیئر بازار میں آج پھر صبح سویرے زبردست گراوٹ دیکھنے کو مل رہی ہے۔ بازار کھلتے ہیں سنسیکس میں 1200 پوائنٹ کی گراوٹ دیکھنے کو ملی تھی جو اب بڑھ کر تقریباً 1900 پوائنٹ تک پہنچ گئی ہے۔ دوسری طرف نفٹی کی حالت بھی انتہائی خستہ ہے۔ صبح بازار کھلنے کے بعد جہاں نفٹی میں تقریباً 400 پوائنٹ گراوٹ دیکھنے کو ملی تھی وہیں اب یہ 537 پوائنٹ تک نیچے چلی گئی ہے۔

پی ایف آئی صدر پرویز اور سکریٹری الیاس کو دہلی پولس نے کیا گرفتار

دہلی پولس کے اسپیشل سیل نے پاپولر فرنٹ آف انڈیا (پی ایف آئی) کے صدر پرویز اور سکریٹری الیاس کو گرفتار کیا ہے۔ یہ گرفتاری پی ایف آئی کا تار شاہین باغ سے جڑنے کے الزام میں ہوئی ہے۔

کورونا وائرس کو ڈبلیو ایچ او نے ٹھہرایا وبائی مرض

کورونا وائرس کو عالمی صحت تنظیم (ڈبلیو ایچ او) نے وبائی مرض ہونے کا اعلان کر دیا ہے۔ یہ اعلان کرتے ہوئے ڈبلیو ایچ او نے کہا کہ اس وائرس سے اب تک دنیا بھر میں 4300 سے زیادہ لوگوں کی موت ہو چکی ہے اس لیے اسے وبائی مرض کی فہرست میں رکھا گیا ہے۔ ڈبلیو ایچ او کے فیصلہ کے بعد امریکہ کے صدر ڈونالڈ ٹرمپ نے یوروپ سے امریکہ کے سبھی سفر پر 30 دن کے لیے پابندی لگا دی ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو