اورنگ آباد ایمیگریشن پوائنٹ سے جانے والے عازمین حج کو حج کمیٹی کی جانب سےراحت
اورنگ آباد : سال رواں حج کمیٹی کی جانب سے اورنگ آباد اور ناگپور ایمیگریشن سینٹرس سے اڑان بھرنے والے عازمین حج سے ہزاروں روپئے زیادہ بھرنے کے احکامات دیے جانے سے پریشان اورنگ آباد کے عازمین حج کو بڑی راحت دیتے ہوئے۔ جسٹس ایس جی چپلگاؤںکر کی سربراہی میں بمبئی ہائی کورٹ کی تعطیلاتی بنچ نے حج کمیٹی کو ایمارکیشن پوائنٹ کی تبدیلی پر غور کرنے کا حکم دیا۔
واضح رہے کہ ، مہاراشٹر میں عازمینِ حج کو تیسری قسط جمع کرنے کا سرکولر حج کمیٹی کی جانب سے جاری کیا جس میں اورنگ آباد کےحجاج کرام سے تقریباً 88000 اور ناگپور سے 62000 زیادہ رقم وصول کی جا رہی ہے۔ جبکہ سابق میں ہر سال ناگپور اور ممبئی کا فرق بہت کہ ہواکرتا تھا۔حج کمیٹی کی اس زیادتی کے خلاف ، اورنگ آباد کے 64 عرضی گزاروں نے، جن کی نمائندگی
ایڈوکیٹ سید توصیف یاسین نے کی، نے 6 مئی 2023 کو "حج کمیٹی آف انڈیا” کے جاری کردہ سرکلر کو چیلنج کیا اور دلیل دی کہ سرکلر ممبئی کے عازمین کے مقابلے میں ان کے ساتھ امتیازی سلوک کرتا ہے۔
انہوں نے دعویٰ کیا کہ وہ پہلے ہی کافی رقم جمع کر چکے ہیں لیکن اب انہیں ضرورت سے زیادہ کرایہ ادا کرنا پڑیگا اس لیے،اورنگ آباد کے بجائے انھیں ممبئی سے جانے کے لیے اپنا سفری مقام تبدیل کرنے کی اجازت دی جائے۔