• 425
    Shares

افغانستان میں امریکہ کی جوابی کارروائی، کابل دھماکوں کا منصوبہ ساز ہلاک!

امریکہ کا کہنا ہے کہ اس نے کابل ایئرپورٹ پر کئے گئے دھماکے کے اہم منصوبہ ساز کو مار گرایا ہے، ڈورون کے ذریعے کیا گیا فضائی حملہ پاکستان کی سرحد پر انجام دیا گیا

کابل: افغانستان کے دار الحکومت کابل میں ایک خودکش بم دھماکے میں 13 امریکی فوجیوں سمیت 150 سے زیادہ افراد کی ہلاکت کے بعد امریکی فوج نے ایک داعش کی خراسان ساتھ کے خلاف ڈرون حملہ کئے ہیں۔ امریکہ کا کہنا ہے کہ اس نے کابل ایئرپورٹ پر کئے گئے دھماکے کے اہم منصوبہ ساز کو مار گرایا ہے۔

امریکی سینٹرل کمانڈ کے ترجمان کیپٹن بل اربن نے کہا، ’’امریکی فوجی دستوں نے آج آئی ایس کے منصوبہ ساز دہشت گرد کے خلاف آپریشن کیا۔ ڈرون کے ذریعے کیا گیا یہ فضائی حملہ افغانستان کے صوبہ ننگرہار میں انجام دیا گیا۔ ابتدائی معلومات کے مطابق ہم نے ہدف کو مار گرایا اور اس حملہ کسی شہری کی جان نہیں گئی۔”

رپورٹ کے مطابق ڈرون نے ایک ایسی گاڑی کو نشانہ بنایا جس کے بارے میں خیال کیا جاتا تھا کہ وہ آئی ایس کے ایک ایسے رہنما کو لے کر جا رہی تھی جو حملوں میں ملوث ہے۔ امریکہ نے یہ ڈرون حملہ پاکستان کی سرحد کے قریب انجام دیا۔ فضائی حملے کے بعد امریکہ نے لوگوں سے کہا ہے کہ وہ کابل ایئر پورٹ سے نکل جائیں۔ امریکہ کو خدشہ ہے کہ کابل ایئرپورٹ پر ایک اور دہشت گردانہ حملہ ہو سکتا ہے۔

خیال رہے کہ گزشتہ روز کابل ایئر پورٹ پر سلسلہ وارا دھماکہ انجام دئے گئے تھے جن میں کم از کم 169 افراد ہلاک ہوئے تھے۔ اس حملے کی ذمہ داری داعش خراسان نے قبول کی تھی۔ امریکہ نے اس کے جواب میں فضائی حملہ انجام دیا ہے جبکہ طالبان نے اس کارروائی سے خود کو علیحدہ کر لیا ہے۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔