کولکتا: مغربی بنگال میں سالٹ لیک میں ودھان نگر کی ایک خصوصی عدالت نے مرکزی وزیر داخلہ امت شاہ کے خلاف ترنمول کانگریس کے رکن پارلیمنٹ ابھیشیک بنرجی کے ذریعہ دائر ہتک عزت کا مقدمہ بنک شال میٹروپولیٹن عدالت میں پیر کو منتقل کردیا گیا۔

اس معاملے کی سماعت ایم پی۔ ایم ایل اے عدالت میں پیر کو شروع ہوئی تھی تو امت شاہ کی جانب سے ایڈوکیٹ برجیش جھا نے عدالت کو بتایا کہ امت شاہ کو بھجوائے گئے سمن نوٹس میں پتہ غلط تھا۔ اس پر ودھان نگر کی ایم پی-ایم ایل اے عدالت نے یہ معاملہ بنک شال میٹرو پولیٹن عدالت میں منتقل کر دیا۔