اسرائیلی وزیر اعظم کا فیس بک پیج ہیک ہیکر نے مسجد اور اذان کی ویڈیو لگا دی
خرطوم: چہارشنبہ کے روز ایک ہیکر گروپ نے اسرائیلی وزیر اعظم بنجامن نتن یاہو کی آفیشل ویب سائٹ اور فیس بک پیج کو ہیک کر لیا۔گروپ نے اسرائیلی وزیراعظم کے فیس بک پیج پر ایک ویڈیو شائع کی ہے جس میں ایک مسجد دکھائی دیتی ہے اور اذان کی آواز سنائی دیتی ہے۔
گمنام سوڈان نامی ایک گروپ نے نتن یاہو کے فیس بک پیج اور ویب سائٹ کے علاوہ کئی اور اہم ویب گاہوں کو ہیک کرنے کا دعوی کیا ہے۔اسرائیلی ذرائع کا کہنا ہے کہ یہ ایک فیچر کے ذریعہ کیا گیا جس میں "فیس بک” کا پیج دوسرے پیج کے ساتھ تعاون کرتا ہے، لیکن ہیکرز پیج کو مکمل کنٹرول نہیں کر سکے۔پیج کو کچھ دیر کے لیے غیر فعال کر دیا گیا تھا۔
ان حملوں کے بارے میں خیال کیا جاتا ہے کہ ان کو ڈسٹریبیوٹڈ ڈینائل آف سرویس (ڈی ڈی او ایس) حملے ہیں، جو سرورز کو کریش کر دیتے ہیں لیکن معلومات چوری نہیں کرتے۔چہارشنبہ کو اسرائیلی ویب سائٹ وائی نیٹ کے مطابق، فوری طور پر، شن بیٹ نے فیس بک کی طرف سے لیے جانے والے جائزے کی روشنی میں تحقیقات شروع کر دی ہیں۔