اسداویسی کی موجودگی میں لڑکی نے پاکستان زندہ باد کا نعرہ بلندکیا اسکے بعد اویسی نے کیا کیا پڑھئے

بنگلورو میں سی اے اے مخالف احتجاج میں پاکستان زندہ آباد نعرے کے بعد زبردست ہنگامہ دیکھنے کوملا ۔ شہر کے فریڈم پارک میں ہوئے اس احتحاجی جلسہ میں پاکستان زندہ آباد کا نعرہ امولیا نامی لڑکی نے لگایا ۔ آل انڈیا مجلس اتحاد المسلمین کے سربراہ اسدالدین اویسی کی موجودگی میں اچانک اس لڑکی نےجب نعرہ لگایا ، تو فوری طور پر اسدالدین اویسی اور اجلاس کے منتظمین اٹھ کھڑے ہوئے ۔ لڑکی کے ہاتھ سے مائک چھین لیا گیا ۔ اسٹیج پر پولیس پہنچی اور امولیا کو حراست میں لے لیا ۔

owaisi-2-1

ہنگامہ آرائی کے بعد اسدالدین اویسی اجلاس کے منتظمین پربرس پڑے ۔ اویسی نے کہا کہ اس تنازعہ سے ان کا اور ان کی پارٹی کا کوئی تعلق نہیں ہے ۔ اسدالدین اویسی نے کہا کہ ہم جب تک زندہ رہیں گے ہندوستان زندہ آباد کے نعرے لگاتے رہیں گے ۔ پاکستان سے نہ تعلق تھا اور نہ کوئی تعلق رہےگا ۔

واضح رہے کہ بنگلورو کی سوشل ایکٹویسٹ امولیا سی اے اے مخالف احتجاجوں میں حصہ لے رہی ہیں ۔ اس تنازع کے بعد امولیا کو فوری طور پرپولیس اسٹیشن لے جایا گیا ۔ دوسری جانب اسدالدین اویسی سمیت اجلاس میں موجود دیگر مقررین نے امولیا کی حرکت کی سخت مذمت کی۔

قابل ذکر ہے کہ ہندو ، مسلم ، سکھ ،عیسائی فیڈریشن نامی تنظیم نے اس اجلاس کا انعقاد کیا تھا۔ اجلاس کی صدارت سابق وزیراعظم ایچ ڈی دیوے گوڈا کو کرنی تھی ، لیکن دیوے گوڈا اس اجلاس میں شامل نہیں ہوئے ۔ ایم آئی ایم اور جے ڈی ایس کے چند مسلم لیڈران اجلاس میں موجودتھے ۔ علما اور سماجی کارکنا بڑی تعداد میں موجود تھے ۔ فریڈم پارک میں منعقدہ اجلاس میں ہزاروں کی تعداد میں لوگ پہنچے تھے۔

WARAQU-E-TAZA ONLINE

I am Editor of Urdu Daily Waraqu-E-Taza Nanded Maharashtra Having Experience of more than 20 years in journalism and news reporting. You can contact me via e-mail waraquetazadaily@yahoo.co.in or use facebook button to follow me