ادھو ٹھاکرے نے بی جے پی کو دھوکہ دیا ہے، اس لیے انہیں "سبق سکھانے کی ضرورت ہے”۔امیت شاہ

829

ممبئی: 5/ستمبر ۔(ورق تازہ نیوز)ممبئی میں منعقدہ بی جے پی لیڈروں کی میٹنگ میں مرکزی وزیر داخلہ اور پارٹی کے چیف حکمت عملی ساز امت شاہ نے کہا کہ ریاست کے سابق وزیر اعلیٰ ادھو ٹھاکرے نے بی جے پی کو دھوکہ دیا ہے، اس لیے انہیں "سبق سکھانے کی ضرورت ہے”۔

اگر ذرائع کی مانیں تو شاہ نے پارٹی لیڈروں کی میٹنگ میں کہا، ’’ہم سیاست میں سب کچھ برداشت کر سکتے ہیں لیکن دھوکہ دہی نہیں‘‘۔ ذرائع کے مطابق شاہ نے الزام لگایا کہ سابق وزیر اعلیٰ ان کی پارٹی میں ٹوٹ پھوٹ اور اس کے بعد ہونے والے دیگر واقعات کے ذمہ دار ہیں۔ ان کا ‘لالچ’جس کی وجہ سے پارٹی ان کے خلاف ہوگئی۔ یہ کہہ کر انہوں نے ان تمام الزامات کو ختم کرنے کی کوشش کی جن میں کہا گیا ہے کہ مہاراشٹر میں ایکناتھ شندے کی بغاوت اور اقتدار میں بی جے پی کا ہاتھ ہے۔