کانگریس کی جنرل سکریٹری پریانکا گاندھی واڈرا نے جمعہ کے روز اترپردیش میں پارٹی کے ضلعی اور سٹی صدور سے کورونا وائرس کے انفیکشن کے حوالے سے بات چیت کی اور لوگوں سے مدد کے لئے آگے آنے کو کہا۔ اس دوران واڈرا نے الزام لگایا کہ ریاستی حکومت اپنی ذمہ داری سے بھاگ رہی ہے۔ ریاستی کانگریس ہیڈ کوارٹر سے موصولہ اطلاع کے مطابق ضلع اور شہر کے صدور کے ساتھ آن لائن گفتگو کے دوران کانگریس کے جنرل سکریٹری اور اتر پردیش کے انچارج پرینکا گاندھی واڈرا نے ریاستی حکومت پر حملہ کرتے ہوئے الزام عائد کیا کہ حکومت کورونا انفیکشن پر قابو پانے کے لئے کچھ نہیں کررہی ہے۔ انہوں نے پارٹی عہدیداروں سے اس وبا میں عام لوگوں کے ساتھ کھڑے ہونے کا مطالبہ کیا مزید کہا کہ لوگوں کی مدد کے لئے آگے آئیں اور پوری احتیاط برتیں۔ گفتگو کے دوران پرینکا گاندھی نے زمینی سطح پر کانگریس کے عہدیداروں سے معلومات بھی لیں۔


اپنی رائے یہاں لکھیں