موہالی ۔23 اپریل ۔ اب تک آپ نے بارود سے بنے پٹاخوں یا پھرگرین پٹاخوں کے بارے میں ہی سنا ہوگا لیکن اب سائنس نے چونکانے والی کھوج کر لی ہے۔ سائنسدان کا دعوی ہے کہ اب گاو¿موتر سے بنے پٹاخے بازار میں ملیں گے۔ یہ پٹاخے گرین پٹاخوں کے مقابلے 50 فیصد سستے ہوں گے، ساتھ ہی بالکل آلودگی نہیں کریں گے۔ ان کو جلانے پر خوشبو آئے گی۔ انڈین انسٹی ٹیوٹ آف سائنس ایجوکیشن اینڈ ریسرچ ( آئی آئی ایس آئی آر) کے سائندانوں نے موہالی میں ایسے پٹاخوں کی تیاری کر لی ہے۔ آئی آئی ایس آئی آر کے سائنسدانوں کی اسی ٹیم نے گزشتہ سال گرین پٹاخوں کی تعمیر کی تھی جو دھواں نہیں پھیلاتے تھے ساتھ ہی ان کے چلنے پر خوشبو آتی تھی لیکن وہ پلاسٹک کی بوتلوں میں تھے۔ ادارہ کے شعبہ کیمیا کے سائنسداں پروفیسر سمرتھ گھوش کے مطابق گاو¿موتر سے بنے پٹاخے بھی گرین پٹاخوں کی طرح ہی ہوں گے لیکن یہ 50 فیصد اسستے ہوں گے۔ انسٹی ٹیوٹ ان کی تیاری بڑی سطح پر کرنے کے بارے میں غور کر رہا ہے۔
